Sali Asllanaj Kryetari i Kuvendit komunal të Suharekës

Kam kënaqësinë t`u dëshiroj mirëseardhje në faqet e Kuvendit komunal permes internetit. Është kjo një formë dhe mundësi më efikase për komunikim më të mire,një afërsi edhe me qytetarët tanë që nuk jetojnë aktualisht në vendin e tyre si dhe një pasqyrë e punës së Kuvendit komunal për botën në tërësi përkatësisht për ata që shprehin interesim të jenë sa më afër rrjedhave të punëve tona.Ndjej obligim të ju njoftoj se komuna jonë pas luftës ka realizuar një varg të suksese rreth përmirësimit të infrastrukturës rrugore dhe përmirësimit të furnizimit me ujë të pijshëm si dhe një varg rregullimesh të kanalizimeve nëpër fshatra Presim një konsolidim të mëtutjeshëm të organeve vendore si dhe një stabilitet edhe më të madh të qeverisë qendrore.Dëshira jonë është të ketë edhe pozitë edhe opozitë e jo si deri më tani ku në një qeveri participojnë të gjithë. Do të vazhdojmë me objektivat e pavarura dhe me një efikasitet edhe më të madh në drejtim të krijimit të një administrate sa më efikase dhe në shërbim të qytetarëve.
Komuna e Suharekës ka një sipërfaqe prej 361 km2 dhe përfshin 3.3 % të territorit të Kosovës dhe gjendet në pjesën Jugperëndimore të Kosovës. Distanca nga qendra regjionale e Prizrenit është vetëm 18 km, ndërsa nga kryeqyteti i Kosovës, gjithsejt 57 km. Largësia nga aeroporti i Prishtinës 50 km dhe nga porti më i afërt detar, Durrësi 240 km.
Ndër burimet kryesore të jetesës për banorët e komunës së Suharekës janë: të ardhurat nga të punësuarit në botën e jashtme, biznesi privat (ekzistojnë rreth 1300 biznese të regjistruara), bujqësia dhe blegtoria, biznesi shoqëror (IGK “Ballkan”, NBI “Suhareka”, Fabrika e pijeve joalkoolike etj).Po pritet me padurim privatizimi I tyre,sidomos I IGK “ Ballkan”,NBI “ Suhareka” ”Shweppss”,të cilat kanë rendësi strategjike në komunë. Problem po paraqitet edhe politika e kthimit të pronave që janë në menaxhim të AKM-së.
Si vlerësim i përgjithshëm mund të përfundojmë se ato raporte janë korrekte dhe karakterizohen me një frymë bashkëpunimi, konsultimi dhe respekti te dyanshëm, gjë që në punën tonë ka sjellë rezultate të mira.
Puna e KFOR-it gjithmonë është përshëndetur nga ana e kuvendit komunal dhe atë, si në aspektin e gjendjes se sigurisë ashtu edhe ne aspektin e ndihmës se madhe qe ka dhene KFOR-i ne procesin e rindërtimit të komunës sonë.
Janë të shumta projektet ku KFOR-i ka ndihmuar si dhe ka shërbyer si urë lidhëse në mes të komunës dhe donatorëve te ndryshëm.
KFOR-i ka ndihmuar edhe në lidhjen e miqësive, në mes të komunës sonë dhe qyteteve perëndimore si ajo me Fellbahun në Gjermani.
Asamblea komunale,organi më i lartë është konstituuar menjëherë pas zgjedhjeve komunale të 26 tetorit 2002 dhe përbëhet nga 41 delegatë nga 5 partitë pjesëmarrëse zgjedhur me votën e popullit.
Komiteti për politikë dhe financa është formuar në takimin e dytë të Asamblesë me datë. 02.12.2002 dhe përbëhet nga 9 anëtarë ,poashtu nga të gjitha partite . Bordi i Drejtorëve numëron 12 anëtarë-drejtorë të drejtorive të KK-së në SUHAREKË. Me Bordin e udhëheq Kryeshefi Ekzekutiv z.Agim Zenelaj.
Synim kryesor yni është që në sektorin shoqëror po edhe atë privat t`u ofrojmë të gjithë banorëve të Suharekës shërbime publike dhe administrative pa asnjë dallim race,gjinie,moshe dhe etniciteti.


Ju falemnderit